తమ్మిడికుంట చెరువు వద్ద వర్క్ ఫ్రమ్ లేక్ కాన్సెప్ట్ తెచ్చిన సీఎం రేవంత్

ఇక వర్క్ ఫ్రమ్ హోమ్ కాదు.. వర్క్ ఫ్రమ్ లేక్! తమ్మిడికుంటలో కొత్త కాన్సెప్ట్ చెప్పిన సీఎం రేవంత్ రెడ్డి!

హైదరాబాద్ మాదాపూర్‌లో హైడ్రా పునరుద్ధరించిన తమ్మిడికుంట చెరువును సీఎం రేవంత్ రెడ్డి ప్రారంభించారు. వర్క్ ఫ్రమ్ హోమ్ తరహాలోనే చెరువు చెంత ప్రశాంతమైన వాతావరణంలో పనిచేసుకునే వెసులుబాటు కల్పించవచ్చని సీఎం పేర్కొన్నారు.

చెరువు అభివృద్ధికి సినీనటుడు నాగార్జున రెండు ఎకరాల స్థలాన్ని అందించి సహకరించారని అభినందించారు. మహిళా స్వయం సహాయక సంఘాలకు దుకాణాలు కేటాయించి ‘లేక్ ఎకానమీ’ని ప్రోత్సహించాలని సూచించారు. సందర్శకులకు పూర్తిస్థాయి భద్రత కల్పించాలని అధికారులను ఆదేశించారు.

నగరంలోని ఇతర చెరువుల పునరుద్ధరణతో పాటు మూసీ పునరుజ్జీవ ప్రాజెక్టు తొలి దశ పనులను త్వరలో ప్రారంభిస్తామని సీఎం వెల్లడించారు.