కార్పొరేషన్ ఆఫీస్ ముందు వైసీపీ అభ్యర్థి బైఠాయింపు

తిరుపతి కార్పొరేషన్ కార్యాలయం ముందు వైసీపీ మేయర్ అభ్యర్థి వాసుదేవ యాదవ్ తన తల్లితో కలిసి ఆందోళనకు దిగారు. నామినేషన్ వేసేందుకు ఎన్నికల కమిషనర్ అవకాశం కల్పించాలని వారు ప్లకార్డులు ప్రదర్శించారు. తన కొడుక్కు నామినేషన్ వేసే అవకాశం ఇవ్వాలని ఆయన తల్లి విజ్ఞప్తి చేశారు. వాసుదేవ యాదవ్‌కు ఏమైనా జరిగితే ఎస్పీ, కలెక్టరే బాధ్యత వహించాలని హెచ్చరించారు.