కోర్టు ఆదేశాలు పాటించలేదని.. రంగారెడ్డి కలెక్టర్‌కు 6 నెలల జైలు!

కోర్టు ఆదేశాలను ఉద్దేశపూర్వకంగా అమలు చేయలేదని తేల్చిన తెలంగాణ హైకోర్టు.. రంగారెడ్డి జిల్లా కలెక్టర్ సి. నారాయణరెడ్డికి 6 నెలల సాధారణ జైలు శిక్ష, ₹2,000 జరిమానా విధించింది.

నిషేధిత ఆస్తుల జాబితా నుంచి కొన్ని భూములను తొలగించాలన్న వినతిపై 60 రోజుల్లో నిర్ణయం తీసుకోవాలన్న హైకోర్టు ఆదేశాలు అమలు కాలేదని కోర్టు పేర్కొంది.

అయితే అప్పీల్ చేసుకునేందుకు అవకాశం కల్పిస్తూ జైలు శిక్ష అమలును నాలుగు వారాల పాటు నిలిపివేసింది.